Ani

அணி 

அணி  - செய்யுட்களில்  காணப்படும்  அழகு அணி எனப்படும் .

1. ஏகதேச  உருவக  அணி :

  பல  பொருள்களை  உருவகப் படுத்திக்  கூறும்  போது  ஒன்றை  மட்டும்  உருவகப்படுத்தி  அதனோடு  தொடர்புடைய  மற்றோன்று  உருவகப் படுத்தாமல்  வருவது

எ .கா :

பிறவிப்  பெருங்கடல்  நீந்துவர்  நீந்தார்

இறைவன்  அடிசேரா  தார்

[பிறவியை  கடலாக உருவக  படுத்தி  விட்டு , இறைவனடியை  தெப்பமாக  உருவகப்  படுத்தாமல்  வருவது ]

2. இல்பொருள்  உவமை  அணி :

உலகில்  இல்லாத  பொருளை  ஒன்றிற்கு  உவமையாக்கி  கூறுவது இல்பொருள்  உவமை  அணி எனப்படும்.

எ .கா :

 அன்பகத்  தில்லா  உயிர்வாழ்க்கை  வன்பாற்கண் 

 வற்றல்  மரந்தளிர்த்  தற்று

 3. பிறிது  மொழிதல்  அணி :

தான்  கருதிய  பொருளை  நேரடியாகச்  சொல்லாமல்  அதனோடு  தொடர்பு  உடையனவற்றைச்  சொல்லி  விளங்க  வைப்பது  பிறிது  மொழிதல்  அணி எனப்படும் 

எ .கா :

பீலிபெய்  சாகாடும்  அச்சிறும்  அப்பண்டம்

சால  மிகுத்துப்  பெயின்

[மயிலின்  இறகு  மிகவும்  மென்மையானதாக  இருந்தாலும்  அளவுக்கு  அதிகமாக ஏற்றினால்  வலிமையான  அச்சாணி  முரிந்துவிடும் ]

 4. வேற்றுமையணி :

செய்யுளில்  இருபொருள்களுக்கு  இடையே  உள்ள  ஒப்புமையைக்  கூறிய  பின்னர்  அவற்றை  வேறுபடுத்தி  காட்டுவது  வேற்றுமையணி  ஆகும்

எ .கா :

தீயினால்  சுட்டபுண்  உள்ளாறும்  ஆறாதே

 நாவினால்  சுட்ட  வடு 

5. நிரல்நிறை அணி :

சொல்லையும்  பொருளையும்  வரிசையாக (நிரலாக )  நிறுத்தி  நேரே  பொருள்கொள்வது  நிரல்நிறை  அணி

எ .கா :

அன்பும்  அறனும்  உடைத்தாயின்  இல்வாழ்க்கை

பண்பும்  பயனும்  அது .